منتدى أسرة أون لاين


شباب أون لاين
 
الرئيسيةفارس بلا جوادس .و .جبحـثالمجموعاتالتسجيلدخول
تعلن أدارة أوسرة اون لاين عن قيام مهرجان(بي سي أر)(للتنمية البشرية والتوظيف) للأستعلام عن مباديء واحدثيات المهرجان (أتصل بنا علي هذا الرقم 0114321382
بحـث
 
 

نتائج البحث
 
Rechercher بحث متقدم
المواضيع الأخيرة
» صنائع المعروف...
الإثنين أكتوبر 24, 2011 2:03 pm من طرف ميلود48

» يقول الإمام حسن البنا...
الإثنين أكتوبر 24, 2011 2:01 pm من طرف ميلود48

» تدبر قبل أن تقبر...
الإثنين أكتوبر 24, 2011 1:58 pm من طرف ميلود48

» شتان بين هو و هي.
الإثنين أكتوبر 24, 2011 1:56 pm من طرف ميلود48

» المكان الملائم للمرأة المسلمة
الإثنين أكتوبر 24, 2011 1:53 pm من طرف ميلود48

» الفيديو الذي صدم كل العرب
الإثنين أكتوبر 24, 2011 1:44 pm من طرف ميلود48

» مفهوم الحب..
الإثنين أكتوبر 24, 2011 1:37 pm من طرف ميلود48

» مَازِلْت أَتَمَنى....
الإثنين أكتوبر 24, 2011 1:33 pm من طرف ميلود48

» قراءة في المجهول الذي ينتظر الدول العربية...
الإثنين أكتوبر 24, 2011 11:54 am من طرف ميلود48

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
أفضل 10 أعضاء في هذا المنتدى
ميلود48
 
zidan . rima
 
فارس بلا جواد
 
حفصة
 
هدى
 
good girl
 
M-S-F-A
 
sara
 
SAher_EllIL
 
deadman
 
يناير 2018
الأحدالإثنينالثلاثاءالأربعاءالخميسالجمعةالسبت
 123456
78910111213
14151617181920
21222324252627
28293031   
اليوميةاليومية
التبادل الاعلاني
التبادل الاعلاني

شاطر | 
 

 خايف اموت من غير اشوف تغير الوشوش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فارس بلا جواد
Admin
avatar

ذكر
عدد الرسائل : 340
العمر : 29
الموقع : osrtonline
العمل/الترفيه : النت
المزاج : متقلب
الأفضل : 3
نقاط : 233
تاريخ التسجيل : 18/06/2008

مُساهمةموضوع: خايف اموت من غير اشوف تغير الوشوش   الخميس أكتوبر 09, 2008 2:31 pm

]خرج الشتا وهلِّت روايح الصيف*
والسجن دلوقتى يرد الكيف!!
مانتيش غريبة يا بلدي ومانيش ضيف
لو كان بتفهمي الأصول
لتوقفى سير الشموس..
وتعطلي الفصول.
وتنشفي النيل في الضفاف السود
وتدودى العنقود
وتطرشي الرغيف!!
ما عدتي متمتعة وانتى في ناب الغول
بتندغي الذلة وتجتري الخمول
وتئني تحت الحمول
وتزيفي في القول
وبأي صورة ماعادش شكلك ظريف
***
دوس يا دواس
ما عليك من باس
واكتم كل الأنفاس.
الضهر مليئ بالناس
إللى حبيتهم دون ما يبادلوني
الإحساس.
وأنا عارف إني ما باملكهمش
لأني ما مضيتهمشي في الكراس!!
الناس اللي دمغها الباطل دمغ
اللي بتنضح كدب وتطفح صمغ
اللى بتحشش
وما بتحسس
واللي بتضحك كل ما تنداس!!
***
الجامعة طالعة رايتها ضلتها
هدارة
جبارة
صادقة في نيتها..
بتتجه..
يم الوطن والموت.
و"شبرا" زاحفة تأكد التهديد
وتجمع التبديد
وصلت ميدان الفجر..
في المواعيد…!!
النهر.. والضفة.
نبت هلال العيد
ومالت الكفة
وصحيت الرجفة.
مصر اللي لا لحظة ولا صدفة.
ثورة ف ضمير النور.. بتتكون.
رايات.
بدم البسطا..تتلون..
سدوا الطريق..
كيف المؤامرة تموت!؟
"فلتسقط الخيانة
والقيادات الجبانة
ندّاغة الإهانة
كريهة الريحة
كريهة الصوت!!"
***
الغضب..
بيوالي إنشاد البيان
والوجوه الصامدة في وش الزمان.
والرحابة..
في الصدور..وفي الليمان..!!
غابت الأسر الصغيرة في الوطن
. استوى ع الأرض وعي.
صحيت الأمة ف هدير السعي.
الوطن.. مفهوم
وحلو
ويتحضن..!!
***
التفت صاحبى يقوللي:
"لسه نايم..؟
مش مظاهرات..
دي حاجات يفهمها شعبك.
إقفل العقل القديم..
وافهم بقلبك.
رقصة الزار القديمة..
الفرعونية
ع الخصيبة السندسية..
لما يجتاحها الألم!!.
لما تغمرها الإهانة..
والقدم..
تسحق الإنسان..
وتدهس القيم!!"
ابتسمت..!!
رقصة الزار القديمة
الحميمة
العظيمة.. لحد فكرناها ثورة
فرق بين رقصة.. وثورة!!.
لا هيَّ جاية فوق حصان
ولا في لحظة زمان
حتهب نابتة في الغيطان
ولا رقصة
برجل حافية
ف مهرجان!!.
دكهه هادية.
تيجي هادية.. وصوتها دامي
تعزل الكداب..
وتقبض ع الحرامى!!.
تعرف الناس..مش كتل
تعرف الناس..
بالوجوه..وبالأسامى.!!
تيجى..فاتحة القبر
نادغة الصبر
قابضة الجمر
تنصب محاكم الشعوب في كل قصر
تغير العصر..
إلى آخر الصفحات في سفر الثورة!!.
ابتسم صاحبي وقاللي:
"حاذر م الارتفاع
سيبك م الاندفاع
حفر حكومتك وساع!!"
ابتسمت
جفت الرقصة الحبيسة
عادت الأمة التعيسة
اختفى كل اللى كان!!
اختفى كل البشر
واختفى كل المكان
تحت سنوات الهوان.!!
***
تتعسني فكرة إني هموت
قبل ما اشوف- لو حتى دقيقة-
رجوع الدم لكل حقيقة..
وموت الموت..!!
قبل ما تصحى..
كل الكتب اللى قريت
والمدن اللي ف أحلامى رأيت
والأحلام اللي بنيت
والشهدا اللي هويت
والجيل اللي هدانى
والجيل اللي هديت..!!
قبل ما أملس ع الآتي
وادفن كل بشاعة الماضي
في بيت.!!
***
حاقولها بالمكشوف:
خايف أموت من غير ما اشوف
تغير الظروف.
تغير الوشوش..
وتغير الصنوف!!.
والمحدوفين ورا
متبسمين في أول الصفوف.
خايف أموت وتموت معايا الفكرة
لا ينتصر كل اللي حبيته..
ولا يتهزم كل اللى كنت أكره..
اتخيلوا الحسرة!!.
***
مأساتنا.. إن الخونة.. بيموتوا
بدون عقاب ولا قصاص..!!
مأساتنا
إن الخونة بيموتوا.. وخلاص.
بدون مشانق في الساحات..
ولا رصاص!!.
على كل حال..
صدقي مازال!!.
صدقي على قيد الحياة
بيفجر الدم النبيل
ويبطش بالاستقلال
ويمرغ الجباه
تحت الجزم والخيل
ويفتح الكوبري علينا
كل صبح وليل.!!
والإنجليز..
مازالوا بيقهقهوا
ويضربوا.. ويسجنوا الشباب
على كوبري عباس..
أو
في "معرض الكتاب



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خايف اموت من غير اشوف تغير الوشوش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أسرة أون لاين :: منتدى الشعر والخواطر :: المجلة الشعرية-
انتقل الى: